Tramp ABŞ-də Superkəşfiyyat Qüvvələrinin yaradıldığını elan etdi

ABŞ Prezidenti Donald Tramp ölkədə yeni bir qurumun – Superkəşfiyyat Qüvvələrinin (SIF) yaradıldığını bəyan edib.

hadiseler.info xəbər verir ki, Amerika lideri bu barədə “Truth Social” platformasındakı rəsmi hesabında məlumat verib.

Məlumata görə, Superkəşfiyyat Qüvvələrinin əsas vəzifəsi ABŞ-nin superkəşfiyyat sahəsində qlobal liderliyini təmin etmək üçün federal hökumətin fəaliyyətini əlaqələndirməkdir.

Trampın sözlərinə görə, yeni yaradılan SIF qurumu ABŞ hökumətinin istehlakçılar, ictimai və dini təşkilatlarla qarşılıqlı əlaqələrini tənzimləyəcək. Bununla yanaşı, qurum süni intellektin hazırlanması ilə məşğul olan şirkətlər və kritik infrastruktur təminatçıları ilə əməkdaşlığın əlaqələndirilməsi prosesində də yaxından iştirak edəcək.