Prezidentdən mükafat və maaş əlavələri ilə bağlı mühüm fərman

Prezident İlham Əliyev büdcədənkənar vəsaitlər hesabına verilən vəzifə maaşına əlavələrin, mükafatların və digər ödənişlərin yuxarı hədlərinin tətbiq ediləcəyi müddətlə bağlı Fərman imzalayıb.

hadiseler.info “President.az”a istinadən xəbər verir ki, dövlət başçısının qərarı ilə “Dövlət büdcəsinin tərkibində yaradılmış məqsədli büdcə fondlarının və dövlət büdcəsindən maliyyələşən təşkilatların büdcədənkənar vəsaitlərindən istifadəyə dair əlavə tədbirlər haqqında” Fərmana dəyişiklik edilib.

Sənədə əsasən, büdcədənkənar vəsaitlər hesabına ödənilən əlavə və mükafatların yuxarı hədləri sentyabrın 1-dən deyil, oktyabrın 10-dan etibarən tətbiq olunacaq.

Büdcədənkənar vəsaitlər hesabına verilən ödənişlərin yuxarı hədləri aşağıdakı kimi müəyyən edilib:

 Vəzifə maaşına əlavələr: Təqvim ayı ərzində hər bir işçinin aylıq vəzifə maaşının 1.0 mislinədək;

 Mükafat və digər ödənişlər: Təqvim ili ərzində illik əməkhaqqı fondunun 20 faizinədək.