Oktyabrın 9-na olan hava proqnozu

Milli Hidrometeorologiya Xidməti oktyabrın 9-da ölkə ərazisində gözlənilən hava şəraiti barədə məlumat yayıb.

hadiseler.info xəbər verir ki, Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gündüzdən bəzi yerlərdə arabir yağış yağacağı gözlənilir. Axşam yarımadanın ayrı-ayrı yerlərində yağıntıların leysan xarakterli intensiv olacağı, şimşək çaxacağı ehtimalı var. Gecə və səhər duman olacaq, şimal-şərq küləyi əsəcək. Havanın temperaturu gecə 15-17° isti, gündüz 19-23° isti təşkil edəcək. Atmosfer təzyiqi 767 mm civə sütunundan 764 mm civə sütununa enəcək, nisbi rütubət 70-80% olacaq.

Azərbaycanın rayonlarında gecə və səhər şərq rayonlarında, gündüzdən isə bəzi yerlərdə arabir yağış yağacağı gözlənilir. Ayrı-ayrı yerlərdə qısamüddətli leysan xarakterli intensiv olacağı, şimşək çaxacağı, dolu düşəcəyi, axşam isə dağlıq ərazilərdə qara keçəcəyi ehtimal edilir. Gecə və səhər bəzi yerlərdə duman olacaq, şərq küləyi əsəcək. Havanın temperaturu gecə 13-18° isti, gündüz 20-25° isti, dağlarda isə gecə 5-10° isti, gündüz 13-18° isti olacaq.