Leyla Əliyeva Arkadağ şəhərində “Galkynyş” atüstü oyunlar qrupunun çıxışını izləyib – FOTO

Heydər Əliyev Fondunun vitse-prezidenti Leyla Əliyeva oktyabrın 19-da Türkmənistanın Arkadağ şəhərində yerləşən Göroğlu adına Dövlət Atçılıq Sirkində Türkmənistan Prezidentinin Ahal-təkə atçılıq kompleksinin əfsanəvi “Galkynyş” milli atüstü oyunlar qrupunun çıxışını izləyib.

hadiseler.info “AZƏRTAC”a istinadən xəbər verir ki, “Galkynyş” qrupu at üstündə mürəkkəb akrobatik və tryuk nömrələri nümayiş etdirərək tamaşaçıların böyük rəğbətini qazanıb.

Tədbir çərçivəsində, həmçinin Türkmənistan Dövlət Sirkinin və Arkadağ şəhərinin Göroğlu adına Dövlət Atçılıq Sirkinin artist və akrobatları maraqlı şou proqramla çıxış ediblər.