Səudiyyə Ərəbistanında hava limanına hücum: Ölənlər və yaralananlar var

Səudiyyə Ərəbistanının Dammam şəhərində yerləşən Kral Fəhd Beynəlxalq Hava Limanına hücum edilib.

hadiseler.info xəbər verir ki, bu barədə Səudiyyə Ərəbistanının Baş Mülki Aviasiya İdarəsi (GACA) məlumat yayıb.

Hücum nəticəsində 1 nəfər həlak olub, 8 nəfər xəsarət alıb. Həyatını itirən şəxsin ölkədə yaşayan xarici vətəndaş olduğu bildirilib. Yaralılar dərhal xəstəxanaya təxliyə edilib.

Hadisə nəticəsində hava limanının infrastrukturuna ziyan dəyib, hazırda dəymiş zərərin miqyası qiymətləndirilir. Hücumun forması və məsuliyyət daşıyan tərəf barədə hələlik rəsmi açıqlama verilməyib.

Eyni zamanda, Səudiyyə Ərəbistanının rəhbərlik etdiyi Ərəb Koalisiyası ölkənin şərq istiqamətində 4 pilotsuz uçuş aparatının (PUA) ələ keçirilərək zərərsizləşdirildiyini bəyan edib.