Çində dəhşətli zəlzələ: 16 ölü

Çinin Tibet Muxtar Bölgəsində 7.0 maqnitudalı güclü zəlzələ baş verib. Təbii fəlakət nəticəsində azı 16 nəfər həyatını itirib, 46 nəfər isə müxtəlif dərəcəli bədən xəsarətləri alıb.  

hadiseler.info xarici KİV-ə istinadən xəbər verir ki, yeraltı təkanlar Tibetin Naqçu şəhəri və Baqen qəzası ərazisində qeydə alınıb.  

Fəlakət idarəetmə mərkəzinin məlumatına əsasən, xəsarət alanlardan 11 nəfərin vəziyyəti kaskit dərəcədə ağırdır. Təkanlar nəticəsində təxminən 340-a yaxın yaşayış evi tamamilə dağılıb və ya ciddi zədələnib.  

Hadisə bölgəsinə yüzlərlə xilasedici, hərbçi və tibb heyəti cəlb olunub. Dağıntılar altında qalanların axtarışı və sakinlərə kömək göstərilməsi üçün pilotsuz uçuş aparatlarından (PUA) və xüsusi texnikadan istifadə edilir. Regionda havanın soyuq olması və zəlzələnin ardınca magistral yollarda uçqunların baş verməsi xilasetmə işlərini çətinləşdirir.