Bu günün hava proqnozu açıqlandı

Oktyabrın 23-də Bakıda və Abşeron yarımadasında, eləcə də ölkənin rayonlarında gözlənilən hava şəraiti açıqlanıb.

hadiseler.info xəbər verir ki, Milli Hidrometeorologiya Xidmətinin verdiyi məlumata əsasən, paytaxtda və yarımadada hava dəyişkən buludlu olacaq, arabir tutulacaq, lakin əsasən yağmursuz keçəcək.

Temperatur göstəriciləri:

 Bakı və Abşeron yarımadasında: Gecə 15–17° isti, gündüz 19–21° isti;

 Azərbaycanın rayonlarında: Gecə 14–17° isti, gündüz 19–24° isti;

 Dağlıq ərazilərdə: Gecə 5–9° isti, gündüz 10–15° isti olacaq.

Bəzi rayonlarda hava kəskinləşəcək

Ölkənin rayonlarında havanın bəzi yerlərdə fasilələrlə yağışlı olacağı gözlənilir. Ayrı-ayrı bölgələrdə yağıntıların intensiv və güclü olacağı, şimşək çaxacağı, dolu düşəcəyi, yüksək dağlıq ərazilərdə isə sulu qar və qar yağacağı ehtimal edilir.