Şahdağda qar yağıb – Faktiki hava açıqlanıb

Azərbaycanda müşahidə olunan faktiki hava şəraiti açıqlanıb. Ölkə ərazisinin əksər yerlərində arabir yağış yağıb, şimşək çaxıb, Şahdağda isə arabir qar qeydə alınıb.

hadiseler.info xəbər verir ki, Milli Hidrometeorologiya Xidmətinin məlumatına əsasən, düşən yağıntının miqdarı müxtəlif bölgələrdə fərqli olub.

Yağıntının miqdarı Daşkəsən və Lerikdə 10 mm, Biləsuvar və Oğuzda 9 mm, Gədəbəy və Şamaxıda 8 mm, Qobustan, Qəbələ və Astarada 7 mm, Şahbuz, Tərtər və Kürdəmirdə 6 mm, Bərdə, Şəmkir, Zərdab və Ağstafada 5 mm, Gəncə, Neftçala və İmişlidə 4 mm, Şəki, Yevlax, Tovuz, Sarıbaş (Qax), Zaqatala, Lənkəran, Ağdam, Goranboy və Göygöldə 3 mm, Göyçay, Mingəçevir, Sabirabad, Salyan, Xızı, Sədərək, Xınalıq, Qrız, Yardımlı, Balakən, İsmayıllı, Beyləqan, Cəlilabad, Naftalan, Naxçıvan, Şərur, Ordubad, Culfa, Şabran, Cəbrayıl, Füzuli, Kəlbəcər, Zəngilan, eləcə də Bakıda və Abşeron yarımadasında 1 mm-dək olub. Qubadlı, Laçın, Şuşa, Xankəndi və Xocalıda da arabir yağış yağıb.

Bundan əlavə, Daşkəsən, Ordubad, Göygöl, Şəmkir, Balakən, Qax (Sarıbaş), Zaqatala, Qusar, Şəki, Qəbələ, Şamaxı, Qobustan, Göyçay və Lerikdə duman müşahidə olunub, görünüş məsafəsi 500 metrədək məhdudlaşıb.