Əli Kərimlinin cinayət işi məhkəməyə göndərildi

Azərbaycan Xalq Cəbhəsi Partiyasının (AXCP) sədri Əli Kərimli və onun müavini Məmməd İbrahim barəsindəki cinayət işi üzrə istintaq yekunlaşıb.

hadiseler.info xəbər verir ki, Dövlət Təhlükəsizliyi Xidməti (DTX) tərəfindən toplanmış materiallar baxılması üçün Bakı Ağır Cinayətlər Məhkəməsinə göndərilib. Məhkəmənin ilk hazırlıq iclasının vaxtı hələlik elan edilməyib.

İstintaqın yekununda Əli Kərimli və Məmməd İbrahimə Azərbaycan Respublikası Cinayət Məcəlləsinin 278.1-ci maddəsi ilə rəsmi ittiham verilib. Bu maddənin sanksiyasında 12 ildən 20 ilədək azadlıqdan məhrumetmə və ya işin hallarından asılı olaraq ömürlük həbs cəzası nəzərdə tutulur.

Qeyd edək ki, Ə.Kərimli və M.İbrahim Prezident Administrasiyasının keçmiş rəhbəri Ramiz Mehdiyevin cinayət işinin davamı olaraq həbs ediliblər. AXCP sədri hazırda məhkəmə baxışı davam edən Ramiz Mehdiyevin cinayət işində şahid qismində tanınıb.