Keçmiş hakim Macarıstanın yeni prezidenti seçildi

Macarıstan parlamenti ölkənin yeni dövlət başçısını seçib.

hadiseler.info xəbər verir ki, Macarıstan Ali Məhkəməsinin keçmiş baş hakimi Andraş Baka ölkənin yeni prezidenti olub.

Qeyd edək ki, Andraş Baka əvvəllər Avropa İnsan Hüquqları Məhkəməsində (AİHM) hakim kimi fəaliyyət göstərib, 2009-cu ildə isə Macarıstan Ali Məhkəməsinin sədri seçilib. O, Viktor Orban hökumətinin məhkəmə sistemində apardığı islahatları açıq şəkildə tənqid etdikdən sonra 2012-ci ildə vəzifəsindən uzaqlaşdırılıb. Sonradan AİHM Bakanın vəzifədən azad edilməsi zamanı onun ədalətli məhkəmə araşdırması və ifadə azadlığı hüquqlarının pozulduğu barədə qərar çıxarıb.

Xatırladaq ki, Macarıstanda prezident postu əsasən simvolik xarakter daşıyır. Dövlət başçısının qanunlara veto qoymaq və ya onları yenidən baxılması üçün konstitusiya məhkəməsinə göndərmək səlahiyyətləri olsa da, icraedici hakimiyyət əsasən baş nazirə məxsusdur.