Xankəndiyə növbəti köç karvanı yola salındı- FOTOLAR

Prezident İlham Əliyevin tapşırığına uyğun olaraq işğaldan azad edilmiş ərazilərə “Böyük Qayıdış” proqramı çərçivəsində soydaşlarımızın öz ata-baba yurdlarına qayıdışı böyük coşğu ilə davam edir.

hadiseler.info xəbər verir ki, bu gün Qayıdış proqramının növbəti mərhələsi olaraq Xankəndi şəhərinə daha 22 ailə, ümumilikdə 102 nəfər yola salınıb.

Doğma torpaqlarına qovuşan sakinlər dövlətin göstərdiyi yüksək diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildiriblər. Keçmiş məcburi köçkünlər torpaqlarımızı azad edən qəhrəman Azərbaycan Ordusuna, əsgər və zabitlərimizə təşəkkür edib, bu uğurda canlarını fəda edən şəhidlərimizin əziz xatirəsini rəhmətlə yad ediblər.

Xankəndiyə köçürülən ailələr uzun illər respublikanın müxtəlif bölgələrində — əsasən müvəqqəti məskunlaşma yerlərində, yataqxana, sanatoriya və inzibati binalarda məskunlaşmış soydaşlarımızdan ibarətdir.