Lənkəranda açıq sahələrdə yanğın baş verib – VİDEO

Lənkəran rayonu ərazisində müxtəlif istiqamətlərdə yerləşən açıq sahələrdə ard-arda yanğınlar baş verib.

hadiseler.info xəbər verir ki, bu barədə Fövqəladə Hallar Nazirliyi (FHN) mətbuat xidməti rəsmi məlumat yayıb.

Həyəcan siqnalı daxil olan kimi FHN-in Dövlət Yanğından Mühafizə Xidmətinin canlı qüvvəsi və xüsusi texnikaları dərhal ərazilərə cəlb olunub. Yanğınsöndürənlərin peşəkar, operativ və təxirəsalınmaz müdaxiləsi sayəsində alovun genişlənərək yaxınlıqdakı yaşayış və təsərrüfat ərazilərinə yayılmasının qarşısı alınıb, yanğınlar tam söndürülüb.