Milli Hidrometeorologiya Xidmətindən XƏBƏRDARLIQ: Sabah güclü külək əsəcək

Azərbaycanda avqustun 15-də hava şəraitinin dəyişəcəyi və bəzi ərazilərdə küləyin güclənəcəyi gözlənilir.

hadiseler.info xəbər verir ki, Ekologiya və Təbii Sərvətlər Nazirliyinin Milli Hidrometeorologiya Xidməti gözlənilən hava şəraiti ilə bağlı sarı xəbərdarlıq yayıb.

Məlumata görə, Bakıda və Abşeron yarımadasında şimal-qərb küləyinin şiddətlənəcəyi bildirilir. Bununla yanaşı, Naxçıvan MR, Cəbrayıl, Zəngilan, Füzuli, Mingəçevir, Cəlilabad, Biləsuvar, Goranboy, Naftalan, Beyləqan, Şirvan, Salyan, Qobustan, İmişli, Saatlı, Sabirabad, Neftçala, Hacıqabul, Xaçmaz, Siyəzən, Şabran, Quba, Xızı və Qusar rayonlarında isə şərq küləyi üstünlük təşkil edəcək.

Xəbərdarlığa əsasən, küləyin sürətinin saniyədə 13.9 – 20.7 metrə çatacağı proqnozlaşdırılır. Sakinlərə hava şəraitinin dəyişməsi ilə bağlı təhlükəsizlik qaydalarına riayət etmələri tövsiyə olunur.