Elektrik naqili qollarına dolanan şəxs cərəyan vuraraq vəfat etdi

Tərtər rayonunda bir nəfərin ölümü ilə nəticələnən dəhşətli bədbəxt hadisə baş verib.

hadiseler.info xəbər verir ki, hadisə avqustun 14-ü saat 14:00 radələrində rayonun Köçərli kəndində qeydə alınıb.

Kənd sakini, 1971-ci il təvəllüdlü Qabil Şaban oğlu Rüstəmov yaşadığı evdə elektrik cərəyanı vurması nəticəsində həyatını tərəf edib. Araşdırmalar zamanı məlum olub ki, elektrik naqilləri bədbəxtlikdən onun qollarına dolanıb və xəttə cərəyanın verilməsi nəticəsində ağır yanıq xəsarətləri alan şəxs yerindəcə dünyasını dəyişib.

Faktla bağlı Tərtər Rayon Prokurorluğunda araşdırma aparılır.