Qazaxıstanda beynəlxalq konfrans keçirilir – Azərbaycan təmsil olunur – FOTOLAR

Qazaxıstanın Kostanay şəhərində elmi-praktik konfrans keçirilir. Tədbir uşaqların yol hərəkəti təhlükəsizliyinə həsr olunub. Həmçinin “Gənc yol hərəkəti inspektorları” adlı beynəlxalq toplantı təşkil edilib.

hadiseler.info bildirir ki, tədbirdə Azərbaycan nümayəndə heyəti də iştirak edir.

Ölkəmizi Baş Dövlət Yol Polisi İdarəsinin rəis müavini Rüfət Quliyev və bölmə rəisi Elvin Hacıyev təmsil edir. Bundan başqa, Xətai rayonu 245 nömrəli məktəbin müəllimi Məlahət Ağayeva və şagirdlər də toplantıya qatılıb.

Konfransda uşaqların təhlükəsizlik biliklərinin artırılması müzakirə olunur. Mütəxəssislər maarifləndirmə metodlarını təkmilləşdirmək üçün fikir mübadiləsi aparırlar.

Tədbir çərçivəsində müxtəlif ölkələrin qabaqcıl təcrübələri öyrənilir. Uşaqlar arasında yol mədəniyyətinin formalaşdırılması üçün yeni layihələr təqdim edilir.