DSX hərbi hissələrində gənc əsgərlərin təntənəli andiçmə mərasimi keçirildi – Fotolar

Dövlət Sərhəd Xidmətinin (DSX) hərbi hissələrində gənc əsgərlərin andiçmə mərasimi keçirilib.

hadiseler.info bildirir ki, tədbir hərbi rituala uyğun təşkil olunub. Mərasimdə Döyüş Bayrağı sıra meydanına gətirilib.

İlk olaraq Dövlət Himni ifa edilib. Daha sonra Ümummilli Lider Heydər Əliyevin və şəhidlərimizin xatirəsi bir dəqiqəlik sükutla yad olunub.

Mərasimdə gənc əsgərlər Hərbi Andı qəbul ediblər. Onlar Vətənin və dövlət sərhədlərinin etibarlı mühafizəsini üzərlərinə götürüblər. Tədbirdə əsgərlərin Ali Baş Komandana sədaqətlə xidmət edəcəkləri vurğulanıb.

Tədbir çərçivəsində valideynlərlə görüş təşkil edilib. Zabitlər valideynləri maraqlandıran sualları cavablandırıblar.

Andiçmə Mərasimi gənc əsgərlərin təntənəli marşla tribuna önündən keçidi ilə yekunlaşıb.