Yevlaxda yük maşını dirəyə çırpıldı: Sürücü xilas edildi – Video

Yevlax rayonunda ağır yol-nəqliyyat qəzası baş verib. Fövqəladə Hallar Nazirliyinin “112” qaynar telefon xəttinə vətəndaşın avtomobildə sıxılı qalması barədə məlumat daxil olub.

hadiseler.info FHN-ə istinadən bildirir ki, hadisə yerinə dərhal Aran Regional Mərkəzinin xilasediciləri cəlb edilib.

Məlum olub ki, “Mercedes” markalı yük avtomobili idarəetməni itirərək elektrik dirəyinə çırpılıb. Qəza nəticəsində sürücü deformasiyaya uğrayan maşında sıxılı vəziyyətdə qalıb.

Xilasedicilər xüsusi vasitələrin köməyi ilə 1961-ci il təvəllüdlü Aqil Tağıyevi avtomobildən çıxarıblar. O, dərhal təcili tibbi yardım briqadasına təhvil verilib.

Hazırda faktla bağlı müvafiq qurumlar tərəfindən araşdırma aparılır.