Rostovda dəhşətli meşə yanğını baş verib

Rusiyanın Rostov vilayətində genişmiqyaslı meşə yanğını tüğyan edir.

hadiseler.info xarici KİV-ə istinadən xəbər verir ki, Verxnedonsk meşəçilik ərazisində alovlanan yanğın qısa müddət ərzində sürətlə yayılaraq 310 hektar sahəni cənginə alıb.

Rusiya Fövqəladə Hallar Nazirliyinin (FHN) yerli idarəsindən bildirilib ki, alovun qarşısının alınması üçün 108 nəfərlik canlı qüvvə və 38 ədəd xüsusi texnika əraziyə cəlb olunub. Yanğınsöndürmə əməliyyatlarında FHN əməkdaşları ilə yanaşı, Meşə Təsərrüfatı nümayəndələri, bələdiyyə qüvvələri və könüllülər də iştirak edirlər.

Alovun hərəkət istiqamətini məhdudlaşdırmaq hələlik mümkün olmayıb, ərazidə intensiv söndürmə tədbirləri sürətlə davam etdirilir.