Futbolçuların öldüyü hadisənin anbaan görüntüləri

Qobu-Lökbatan yolunda iki futbolçunun həyatını itirməsi ilə nəticələnən ağır yol-nəqliyyat hadisəsinin anbaan görüntüləri yayılıb.

hadiseler.info Oxu.az-a istinadən xəbər verir ki, iyulun 29-da 99-EN-361 dövlət qeydiyyat nişanlı “Toyota” markalı minik avtomobili ilə “Ford Transit” markalı yük maşını toqquşub.

Dəhşətli qəza nəticəsində “Toyota”da olan Bəhruz Sultanov və Rauf Hüseynov aldıqları ağır xəsarətlərdən hadisə yerindəcə həlak olublar. “Ford Transit”in sürücüsü isə müxtəlif dərəcəli bədən xəsarətləri ilə xəstəxanaya yerləşdirilib.

Xatırladaq ki, faciəvi şəkildə dünyasını dəyişən hər iki şəxs AFFA Region Liqasında mübarizə aparan “Qobu” futbol klubunun oyunçuları olub.