Moskvaya rekord sayda dronla hücum edildi-Video

Rusiya paytaxtı Moskva son iki ilin en kütləvi pilotsuz uçuş aparatı (PUA) hücumuna məruz qalıb.

hadiseler.info TASS agentliyinə istinadən xəbər verir ki, bu barədə şəhər meri Sergey Sobyanin bəyanat verib. Merin sözlərinə görə, avqustun 17-si axşam saatlarından avqustun 18-i səhər saatlarınadək Moskva istiqamətində uçan ümumilikdə 620 dron qeydə alınıb. Həmin PUA-lardan 180-i Moskva vilayəti səmasında hava hücumundan müdafiə sistemləri tərəfindən vurularaq zərərsizləşdirilib.

Hücumlar nəticəsində Moskva vilayətində 10 yaşlı uşaq da daxil olmaqla 3 nəfər mülki şəxs xəsarət alıb. Ərazinin Boqorodsk dairəsində yerləşən “Wildberries” e-ticarət şirkətinin anbarında güclü yanğın baş verib.

Eyni zamanda, Rostov vilayətinin qubernatoru Yuri Slyusar regionun yeddi rayonu ərazisində 80-dən çox Ukrayna dronunun məhv edildiyini açıqlayıb.