Üzərkən 2 metrlik köpəkbalığı ayağını dişlədi

Braziliyalı sosial media fenomeni və vəkil Tayane Dalazen dalğıc turu zamanı 2 metrdən böyük köpəkbalığının hücumuna məruz qalıb.

hadiseler.info “Qafqazinfo”ya istinadən xəbər verir ki, 37 yaşlı Dalazen dəhşətli anları anbaan kameraya çəkməyi bacarıb. Dalğıc zamanı heyvanların aqressiv davrandığını hiss edən qadın qəfildən ayağında güclü təzyiq duyub. 2 metrdən uzun olan köpəkbalığı onu bud nahiyəsindən dişləyərək bir neçə saniyə su altında saxlayıb, daha sonra buraxıb.

Öz gücü ilə sudan çıxan Dalazenin budunda dərin yaralar əmələ gəlib. O, sonradan tur təşkilatçılarının turistləri cəlb etmək üçün köpəkbalıqlarını yemlədiyini öyrənib. Hadisəni “çox qorxulu” kimi dəyərləndirən fenomenin sosial mediada paylaşdığı görüntülər qısa müddətdə milyonlarla baxış toplayıb.