Hörmüz boğazında gəmiyə hücum edilib

Hörmüz boğazında naməlum gəmiyə edilən mərmi zərbəsi nəticəsində dənizçi həyatını itirib.

hadiseler.info xəbər verir ki, Böyük Britaniya Hərbi Dəniz Qüvvələrinin Dəniz Ticarət Əməliyyatları üzrə Koordinasiya Mərkəzi (UKMTO) insidentin gəmi boğazdan çıxarkən baş verdiyini açıqlayıb.

Zərbə nəticəsində gəminin mühərrik bölməsinə ziyan dəyib və 1 ekipaj üzvü həlak olub. Sağ qalan digər dənizçilərə Oman Sahil Mühafizəsi tərəfindən yardım göstərilir. Hadisənin təfərrüatları və hücumun kim tərəfindən həyata keçirildiyi araşdırılır.

UKMTO regionda fəaliyyət göstərən gəmilərə ehtiyatlı olmağı tövsiyə edib.