Yasamalda 10 min manatlıq qızıl oğurlayan qadın saxlanılıb

hadiseler.info xəbər verir ki, Yasamal rayonu ərazisində yerləşən mənzillərdən birindən dəyəri 10 min manat olan qızıl-zinət əşyaları oğurlanıb.

Daxili İşlər Nazirliyinin mətbuat xidmətindən verilən məlumata görə, polis əməkdaşlarının keçirdiyi əməliyyat-axtarış tədbirləri nəticəsində cinayət əməlini törətməkdə şübhəli bilinən 52 yaşlı N.Babayeva müəyyən edilərək saxlanılıb.

Məlum olub ki, saxlanılan şəxs mənzildən götürdüyü qızıl-zinət əşyalarını artıq satmağa imkan tapıb. Faktla bağlı araşdırmalar davam etdirilir.