Erməni deputat Azərbaycan və Türkiyə ilə bağlı iddia irəli sürüb

hadiseler.info xəbər verir ki, Ermənistan parlamentinin müxalif deputatı İşxan Saqatelyan ölkəsindəki siyasi dəyişikliklərlə bağlı qalmaqallı bəyanatla çıxış edib.

O iddia edib ki, hazırda Ermənistanda formalaşdırılan yeni siyasi model Azərbaycan və Türkiyənin iradəsi ilə həyata keçirilir. Müxalifatçı deputatın sözlərinə görə, bu layihədə Türkiyə və Azərbaycan əsas rol oynayır, Avropa dövlətləri isə süfəsi dəstəkləyir.

Qeyd edək ki, 44 günlük müharibədən sonra regionda yaranmış yeni geosiyasi reallıqlar fonunda rəsmi Bakı və Ankara Ermənistanın konstitusiyasından qonşu ölkələrə qarşı ərazi iddialarının çıxarılmasını vacib şərt kimi tələb edir. Azərbaycanın irəli sürdüyü bu şərtlər regionda uzunmüddətli sülhün və sabitliyin təmin olunmasına yönəlib.