AZAL təyyarələrində POS terminalla ödəniş dövrü başladı

“Azərbaycan Hava Yolları” (AZAL) və ABB sərnişinlərə təyyarə göyərtəsində kartla ödəniş etmək imkanı yaradıb.

hadiseler.info xəbər verir ki, artıq AZAL-a məxsus təyyarələrdə əlavə xidmətlər üçün ödənişləri ABB POS terminalları vasitəsilə birbaşa uçuş zamanı həyata keçirmək mümkündür.

Sərnişinlər uçuş zamanı mövcudluqdan asılı olaraq ekonom sinifdə daha rahat oturacaq seçimi, eləcə də biznes və ya premium ekonom sinfinə keçid ödənişlərini bank kartı ilə nağdsız formalarla edə biləcəklər. Layihə sərnişin təcrübəsinin təkmilləşdirilməsi və rəqəmsal xidmətlərin genişləndirilməsi məqsədi daşıyır.