Suriya İsraillə danışıqları bərpa etməyə hazır olduğunu bəyan etdi  

Suriya hökuməti İsraillə gərginliyi azaltmaq və danışıqlar prosesini bərpa etmək üçün şərtini açıqlayıb.  

hadiseler.info “Al Arabiya” telekanalına istinadən xəbər verir ki, bu barədə Suriyanın xarici işlər naziri Əsəd əl-Şeybani bildirib.

Nazirin sözlərinə görə, rəsmi Dəməşq İsraillə təhlükəsizlik razılaşması əldə etməyə çalışsa da, qarşı tərəf öhdəliklərinə əməl etməyib. Buna baxmayaraq, Suriya eskalasiyanı azaltmaq üçün danışıqlara açıqdır, lakin bunun üçün Təl-Əviv real siyasi iradə göstərməlidir. Əl-Şeybani həmçinin İsrailin hücumlarını Türkiyənin ölkədəki varlığı ilə əsaslandırmasını rədd edib və Suriyanın öz hərbi potensialını artırmaq hüququ olduğunu vurğulayıb.