“Lufthansa” təyyarəsi Şotlandiyaya məcburi eniş edib

“Lufthansa” aviaşirkətinə məxsus təyyarə göyərtədə yaşanan tibbi təcili vəziyyətə görə marşrutunu dəyişərək Şotlandiyaya məcburi eniş edib.

hadiseler.info xəbər verir ki, Frankfurt–Çikaqo reysini icra edən “Boeing 747-8” tipli təyyarə Şimali Atlantika üzərində olarkən sərnişinlərdən birinin səhhəti anidən pisləşib. Göyərtədə 358 sərnişinin olduğu təyyarənin pilotları operativ tibbi yardımın təmin olunması üçün həyəcan siqnalı verərək Qlazqo aeroportuna eniş ediblər.

Xəstə sərnişinə tibbi yardım göstərildikdən və yanacaq doldurulduqdan sonra uçuşun davam etdirilməsi planlaşdırılsa da, yaranan yubanma ekipajın qanuni iş saatı limitini aşıb. Bu səbəbdən təyyarə Frankfurta geri dönüb və sərnişinlər alternativ reyslərə yönləndirilib.