Ukrayna Rusiyada “Ozon”un logistika mərkəzini vurdu

Ukrayna Müdafiə Qüvvələri Rusiyanın Samara vilayətinin Çapayevsk şəhərində yerləşən “Ozon” marketpleysinin logistika mərkəzinə pilotsuz uçuş aparatları (PUA) ilə zərbə endirib.

hadiseler.info Ukrayna monitorinq kanallarına istinadən xəbər verir ki, hücum nəticəsində logistika kompleksinin ərazisində kütləvi yanğın meydana gəlib. Sosial şəbəkələrdə yayılan görüntülərdən alovun qısa müddətdə geniş sahəyə yayıldığı və obyekti sıx tüstü bürüdüyü görünür.

Dağıntıların dəqiq miqyası və xəsarət alanların olub-olmaması ilə bağlı araşdırmalar davam edir.