Krivoy Roqda ticarət mərkəzinə dron hücumu — İtkilər var-FOTOLAR

Ukraynanın Krivoy Roq şəhərində yerləşən ticarət mərkəzinə Rusiya pilotsuz uçuş aparatları ilə hücum həyata keçirilib.

hadiseler.info “Reuters”ə istinadən xəbər verir ki, zərbələr nəticəsində çoxlu sayda insan həlak olub və 100-dən çox şəxs yaralanıb. Dnepropetrovsk vilayət hərbi administrasiyasının rəhbəri Aleksandr Qanja yaralılar arasında onlarla uşağın olduğunu, bəzi sakinlərin vəziyyətinin ağır qiymətləndirildiyini bildirib.

Xilasedicilər ticarət mərkəzinin dağıntıları altında qalan insanların axtarışını davam etdirirlər. Qeyd edək ki, Krivoy Roq Ukrayna Prezidenti Volodimir Zelenskinin doğulduğu şəhərdir.