Şükufə Yusupovanın xəsarət aldığı qəzanın təfərrüatı məlum oldu

Bakıda Xalq artisti Şükufə Yusupovanın yaralanması ilə nəticələnən ağır yol-nəqliyyat hadisəsinin təfərrüatları bəlli olub.

hadiseler.info xəbər verir ki, hadisə Səbail rayonunun Həsən Seyidbəyli küçəsində qeydə alınıb. Həsən Hüseynlinin idarə etdiyi “Nissan Note” markalı avtomobil yolu keçmək istəyən tanınmış aktrisanı vurub.

Ağır xəsarətlər alan sənətçiyə xəstəxanada çanaq və qabırğanın sınıqları diaqnozu qoyulub. Hazırda vəziyyəti ağır qiymətləndirilən Xalq artistinin müalicəsi Kliniki Tibbi Mərkəzin Reanimasiya şöbəsində davam etdirilir. Faktla bağlı Səbail Rayon Polis İdarəsində araşdırmalar aparılır.