Azərbaycan üzərindən Ermənistana növbəti yük tranziti: 242 ton propan yola salınır  

Rusiyadan Ermənistana Azərbaycan ərazisindən tranzit keçməklə növbəti yük partiyası göndəriləcək.  

hadiseler.info xəbər verir ki, avqustun 24-də Biləcəri stansiyasından Böyük Kəsik istiqamətinə 7 vaqondan ibarət, ümumi çəkisi 242 ton olan propan yanacağı yola salınacaq.  

Qeyd edək ki, indiyədək Azərbaycan tranziti vasitəsilə Rusiyadan Ermənistana 50 min tondan çox taxıl, 9 min tona yaxın gübrə, 1172 ton propan, 133 ton alüminium, 1114 ton kömür və 67 ton taxta materialı çatdırılıb. Eyni zamanda, Azərbaycandan Ermənistana yerli istehsal olan 15 min tona yaxın dizel, həmçinin 5 min tona yaxın Aİ-92 və Aİ-95 markalı benzin ixrac olunub.