Xəzərdə faciə: Neft platformasında qaldırıcı qurğu aşdı, işçi həlak oldu

Xəzər dənizində yerləşən neft platformalarından birində ölümünə nəticələnən ağır bədbəxt hadisə baş verib.

hadiseler.info xəbər verir ki, hadisə “Qərbi Abşeron” yatağındakı 50 saylı platformada qeydə alınıb.

“Neftçilərin Hüquqlarının Müdafiəsi” İctimai Birliyinin sədri Mirvari Qəhrəmanlının verdiyi məlumata görə, SOCAR AQŞ-nin çilingəri Nizami Abbasov ağır qaldırıcı qurğunun üzərinə aşması nəticəsində aldığı xəsarətlərdən həyatını itirib.

SOCAR AQŞ-dən bildirilib ki, faktla bağlı aidiyyəti dövlət qurumları tərəfindən geniş araşdırmalara başlanılıb.