Orenburqda “Ozon” anbarına dron hücumu: Yanğın başladı, 300 nəfər təxliyə olundu

Rusiyanın Orenburq şəhərində vurulan pilotsuz uçuş aparatının (PUA) qalıqları “Ozon” şirkətinə məxsus logistika kompleksinin ərazisinə düşüb.

hadiseler.info xəbər verir ki, bu barədə şəhər rəhbəri Albert Yumaşev məlumat verib.

Şəhər rəhbərinin sözlərinə görə, dronlar sənaye obyektlərinin yerləşdiyi xüsusi iqtisadi zona üzərində zərərsizləşdirilib. Qalıqların düşməsi nəticəsində logistika mərkəzində yanğın baş verib. Fövqəladə Hallar Nazirliyinin qüvvələri tərəfindən yanğın qısa müddətdə söndürülüb, xəsarət alan olmayıb.

“Ozon” şirkətindən bildirilib ki, insidentdən dərhal sonra kompleksdən 300-dən çox əməkdaş təhlükəsiz əraziyə təxliyə edilib və anbarın fəaliyyəti müvəqqəti dayandırılıb.