Hikmət Hacıyev Buxaradan paylaşım etdi

Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Buxara şəhərindən diqqətçəkən paylaşım edib.

hadiseler.info xəbər verir ki, Prezidentin köməkçisi bu barədə “X” sosial şəbəkəsindəki hesabında yazıb.

H.Hacıyev paylaşımında XVII əsrin görkəmli filosofu və alimi Yusif Qarabağinin irsinə toxunub:

“Qarabağdan Buxaraya uzanan bir elm yolu… XVII əsrin görkəmli filosofu və alimi Yusif Qarabaği Qarabağdan çıxaraq Səmərqənd və Buxarada fəaliyyət göstərib, Orta Asiyanın elmi-mədəni həyatında mühüm iz qoyub. 1619-cu ildə Buxara hökmdarı Bahadur xan onun şərəfinə kitabxana tikdirib və Yusif Qarabağini həmin kitabxananın rəhbəri təyin edib. Bu gün də Yusif Qarabağinin məzarı Buxaradadır. Qarabağdan Buxaraya – əsrləri aşan elm, mədəniyyət və dostluq körpüsü”.