700 bal toplayan Samir: “Təkcə 1 ixtisas seçmişdim”

IV ixtisas qrupu üzrə maksimum 700 bal toplayan Samir Tağızadənin təhsil alacağı ali məktəb bəlli olub.

hadiseler.info xəbər verir ki, S.Tağızadə Azərbaycan Tibb Universitetinin (ATU) Tibb (tədris ingilis dilində) ixtisasına qəbul olunub.

Öz təəssüratlarını bölüşən 700 ballıq məzun ixtisas seçimində risk etdiyini bildirib: “İxtisas seçimində təkcə 1 ixtisas yazmışdım və elə həmin ixtisasa da qəbul olundum”.

Qeyd edək ki, Samir Tağızadə Sumqayıt şəhəri Təbiət Elmləri Təmayüllü Gimnaziyasının məzunudur. O, eyni zamanda İctimai TV-də yayımlanan məşhur “Əlaçı” televiziya layihəsinin qalibləri sırasındadır.