Türkiyədə dəhşətli qəza: Sərnişin avtobusu yanacaq daşıyan maşınla toqquşdu

Türkiyənin Kayseri şəhərinin Melikqazi rayonunda sərnişin avtobusu ilə yanacaq daşıyan yük maşınının toqquşması nəticəsində ağır yol-nəqliyyat hadisəsi baş verib.

hadiseler.info “Demirören” (DHA) agentliyinə istinadən xəbər verir ki, qəza zamanı 2-si ağır olmaqla ümumilikdə 35 nəfər müxtəlif dərəcəli xəsarətlər alıb.

Zərbənin gücündən hər iki nəqliyyat vasitəsi yoldan çıxaraq aşıb. Tanker hissəsindəki yanacağın yola axması səbəbindən əraziyə cəlb olunan aidiyyəti qurumlar hərəkəti tam məhdudlaşdıraraq təhlükəsizlik tədbirləri görüblər. Yola dağılan benzinin təmizlənməsi işləri aparılıb.

Yaralanan şəxslər təcili tibbi yardım maşınları ilə yaxınlıqdakı xəstəxanalara təxliyə ediliblər.