“Şuşada bir gün” tədbiri keçirildi-FOTOLAR

Şuşa şəhərində həssas kateqoriyalardan olan uşaq və gənclər üçün “Şuşada bir gün” adlı genişmiqyaslı tədbir təşkil olunub.

hadiseler.info xəbər verir ki, tədbir Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin Qarabağ DOST Evi şöbəsi, “Regional İnkişaf” İctimai Birliyi və Şuşa Şəhəri Dövlət Qoruğu İdarəsinin dəstəyi ilə baş tutub.

Tədbirdə Qarabağ DOST Evinin benefisiarları, onların valideynləri və könüllülər iştirak ediblər. Proqram çərçivəsində iştirakçıların əl işlərindən ibarət sərgi nümayiş etdirilib, bədii oyma, toxuma, tikmə və təsviri incəsənət üzrə master-klaslar keçirilib.

Həmçinin uşaqlar üçün Üzeyir Hacıbəylinin ev-muzeyinə, Azərbaycan Milli Xalça Muzeyinin Şuşa filialına ekskursiyalar və infotur təşkil olunub. Tədbirin sonunda iştirakçılara xatirə hədiyyələri təqdim edilib.