Mehriban Əliyeva Bakıda Bilgəh incəsənət məktəbinin açılışında-FOTOLAR

Bakının Bilgəh qəsəbəsində Heydər Əliyev Fondu tərəfindən inşa edilən yeni incəsənət məktəbinin açılış mərasimi keçirilib.

hadiseler.info xəbər verir ki, tədbirdə Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva və Arzu Əliyeva iştirak ediblər. Mədəniyyət naziri Adil Kərimli məktəbdə görülən işlər barədə məlumat verib.

Təhsil müəssisəsi Bilgəh qəsəbə Mədəniyyət Evi, 27 nömrəli uşaq musiqi məktəbi və Sabunçu rayon mərkəzləşdirilmiş kitabxana sisteminin 10 nömrəli filialının optimallaşdırılması nəticəsində yaradılıb. Məktəbin köhnə binası yararsız vəziyyətə düşdüyü üçün Heydər Əliyev Fondu tərəfindən 220 yerlik müasir bina inşa olunub.

Yeni bina musiqi, nəzəriyyə, xor, fotoqrafiya, rəssamlıq, heykəltaraşlıq, dizayn otaqları, xoreoqrafiya və akt zalları, kitabxana və yeməkxana ilə təmin edilib, həyətyanı ərazisində isə abadlıq işləri aparılıb.