Paşinyan: “Ermənistan Azərbaycandan elektrik enerjisi idxal edə bilər”

Ermənistan hökuməti Azərbaycan da daxil olmaqla, bir neçə qonşu ölkədən elektrik enerjisi idxal etmək imkanlarını nəzərdən keçirir.  

hadiseler.info Ermənistan mediasına istinadən xəbər verir ki, bu barədə ölkənin baş naziri Nikol Paşinyan keçirdiyi brifinq zamanı bəyan edib.  

Hökumət başçısı iki ölkənin enerji sektoru nümayəndələri arasında baş tutmuş son görüşə münasibət bildirərkən bu addımın mümkünlüyünü vurğulayıb. Paşinyan əlavə edib ki, hazırda enerji sahəsində əməkdaşlıq və elektrik enerjisinin tədarükü mövzusu həmçinin İran, Gürcüstan və Türkiyə rəsmiləri ilə də aktiv müzakirə olunur.