Tovuzda külli miqdarda qanunsuz dərman preparatları aşkarlandı

Azərbaycan gömrükçüləri bəyan edilmədən ölkə ərazisinə gətirilməyə cəhd göstərilən böyük partiyada dərman preparatlarının qarşısını alıblar.

hadiseler.info “Report”a istinadən xəbər verir ki, Dövlət Gömrük Komitəsinin Tovuz Gömrük İdarəsinin “Qırmızı Körpü” gömrük postunda ölkəmizə daxil olan yük nəqliyyat vasitəsinə gömrük baxışı keçirilib.

Baxış zamanı avtomobilin qoşqu hissəsində kustar üsulla düzəldilmiş gizli saxlanc yerindən gömrük orqanına bəyan edilməyən 11 adda, ümumilikdə 43 836 ədəd dərman vasitəsi aşkarlanaraq götürülüb.

Faktla bağlı müvafiq qurumlar tərəfindən araşdırma aparılır.