Cəlilabadda avtomobil çırpılaraq kanala düşdü

Cəlilabad rayonunda xəsarətlərlə nəticələnən ağır yol-nəqliyyat hadisəsi baş verib.

hadiseler.info xəbər verir ki, qəza yeni Ələt-Astara magistralının Göytəpə şəhəri ərazisindən keçən hissəsində qeydə alınıb.

İki minik avtomobilinin toqquşması nəticəsində hər iki nəqliyyat vasitəsinin sürücüsü müxtəlif dərəcəli bədən xəsarətləri alıb. Yaralılar dərhal xəstəxanaya yerləşdiriliblər.

Zərbənin gücündən avtomobillərdən biri yoldan çıxaraq əvvəlcə yol kənarındakı ağaclara çırpılıb, daha sonra isə su kanalına düşüb.

Faktla bağlı müvafiq qurumlar tərəfindən araşdırma aparılır.