Rusiya Kiyev vilayətini vurdu: 27 ölü, 40-dan çox yaralı var-VİDEO

Rusiya Silahlı Qüvvələrinin Ukraynanın Kiyev vilayətinə endirdiyi növbəti hava zərbələri nəticəsində ciddi tələfat və dağıntılar qeydə alınıb.

hadiseler.info xarici mediaya istinadən xəbər verir ki, hücum Buça rayonunu hədəf alıb. Zərbələr nəticəsində 27 nəfər həlak olub, 40-dan çox dinc sakin isə müxtəlif dərəcəli xəsarətlər alıb. Hücumdan sonra ərazidə güclü yanğın və partlayışlar baş verib.

Kiyev Vilayət Hərbi Administrasiyasının rəhbəri Timur Tkaçenko bildirib ki, zərbələr nəticəsində 50-yə yaxın yaşayış binasına ziyan dəyib. Təhlükəsizlik məqsədilə 400-ə yaxın sakin ərazidən təxliyə edilib. Dağıntılar altında qalanların olması səbəbindən ölənlərin sayının artacağı istisna olunmur.

Xilasedicilər və fövqəladə xidmət əməkdaşları hadisə yerində axtarış-xilasetmə işlərini davam etdirirlər.