Tramp CNN telekanalını kəskin tənqid etdi

ABŞ Prezidenti Donald Tramp CNN və MSNOW telekanallarının fəaliyyətini kəskin şəkildə tənqid edərək rəhbərlik və aparıcı heyətinin dəyişdirilməsini təklif edib.

hadiseler.info xəbər verir ki, Ağ Ev rəhbəri bu barədə özünün “Truth Social” sosial şəbəkəsindəki rəsmi hesabında paylaşım edib.

Tramp hər iki kanalın reytinqinin düşdüyünü vurğulayıb:

“CNN ölüm spiralındadır, MSNOW da həmçinin. Sözün əsl mənasında, heç kim bu kanalların heç birinə baxmır!”

Bununla yanaşı, ABŞ lideri CNN-in siyasi analitiki və sosioloqu Harri Entenin fəaliyyətini yüksək qiymətləndirərək onu kanalın ən yaxşı əməkdaşı adlandırıb və işdən çıxarmamağa çağırıb:

“CNN-dəki ən yaxşı insan sosioloq Harri Entendir, çünki o, Donald C. Trampın Avraam Linkolndan, Corc Vaşinqtondan və ya hər hansı digər prezidentdən altı dəfə daha populyar olduğunu göstərməyə hazır idi – onun nüfuzu var (onu işdən çıxarmayın!)”.