Gürcüstan-Moskva avtobusu Rusiyada qəzaya uğrayıb, 5 nəfər ölüb, 38 nəfər xəsarət alıb.

hadiseler.info “TASS”a istinadən xəbər verir ki, hadisə avqustun 30-na keçən gecə “Qafqaz” federal avtomobil yolunun 3-cü kilometrində, Rusiyanın Stavropol diyarında qeydə alınıb.

“Gürcüstan-Moskva” marşrutu ilə yüksək sürətlə hərəkət edən avtobus qarşıda gedən “KamAZ” markalı yük avtomobilinə çırpılaraq daha sonra yol kənarındakı xəndəyə aşıb. Dəhşətli qəza nəticəsində 5 nəfər hadisə yerində həyatını itirib. 10-u uşaq olmaqla müxtəlif dərəcəli bədən xəsarətləri alan 38 nəfər isə dərhal xəstəxanaya yerləşdirilib. Faktla bağlı araşdırma aparılır.