Ermənistanda avtobus və mikroavtobus toqquşdu: 5 ölü, 7 yaralı

Ermənistanda magistral avtomobil yolunda ağır yol-nəqliyyat hadisəsi baş verib.

hadiseler.info xəbər verir ki, qəza İrəvandan Gümrüyə gedən yolda qeydə alınıb. Avtobus ilə mikroavtobusun toqquşması nəticəsində 5 nəfər hadisə yerində həlak olub, 7 nəfər isə müxtəlif dərəcəli bədən xəsarətləri alıb.

Ermənistan Daxili İşlər Nazirliyinin mətbuat xidmətinin məlumatına görə, faktla bağlı araşdırma aparılır və qəzanın başvermə səbəbləri müəyyənləşdirilir.