Azərbaycana qarşı təşkil olunmuş dezinformasiya kampaniyası aparılır

Mənzil-qərargahı Polşada yerləşən “Nexta” kanalının Goranboy rayonunun Nizami kəndi yaxınlığındakı yanğınla bağlı yaydığı təxribatçı məlumata Medianın İnkişafı Agentliyi (MEDİA) rəsmi bəyanatla cavab verib.

hadiseler.info xəbər verir ki, bəyanatda baş verənlərin vahid mərkəzdən idarə olunan hibrid informasiya kampaniyasının tərkib hissəsi olduğu vurğulanıb. MEDİA-dan bildirilib ki, regionda sabitlik və normallaşmanın bərqərar olması müəyyən dairələrin maraqlarına cavab vermədiyi üçün ölkənin informasiya məkanını çirkləndirmək və cəmiyyətdə süni təşviş yaratmaq məqsədilə dezinformasiya halları intensivləşib.

Qurum qeyd edib ki, son dövrlər Böyük Britaniyanın “The Independent”, “The Guardian” qəzetləri, “BBC” korporasiyası, ABŞ-nin CNN telekanalı, Fransanın “Le Monde” qəzeti, Polşanın TVP telekanalı və digər resurslarda Azərbaycana qarşı açıq birtərəfli və həqiqətə uyğun olmayan materiallar yayımlanır. Medianın İnkişafı Agentliyi ölkənin suverenliyinə və beynəlxalq imicinə kölgə salmaq məqsədi taşıyan bu kimi halların araşdırılması və qarşısının alınması üçün lazımi tedbirlərin davam etdiriləcəyini bəyan edib.