Torontoda qasırğa stadionu dağıtdı – VİDEO

Kanadanın Toronto şəhərində baş verən güclü qasırğa ciddi dağıntı və fəsadlara səbəb olub.  

hadiseler.info xarici mediaya istinadən xəbər verir ki, təbii fəlakət 65 000-dək ev təsərrüfatını elektriksiz qoyub, şəhərdaxili əsas magistral yolların bağlanmasına və bəzi ərazilərdə daşqınlara gətirib çıxarıb. Fırtına zamanı yağışın miqdarı 13 sm-ə çatıb, küləyin sürəti isə bəzi yerlərdə 35 m/s təşkil edib.  

Güclü külək və yağıntı sentyabrın 16-da “AC/DC” rok qrupunun konsertinin keçirilməsi planlaşdırılan “Rogers Stadium”a da böyük zərər vurub. Fəlakət nəticəsində 50 000 nəfərlik stadionun tribunalarının bir hissəsi uçub, yüzlərlə oturacaq sırası dağılıb. Arenanın sahibi olan “Live Nation Canada” zərərin həcmini qiymətləndirir; konsertin ləğvi və ya təxirə salınması haqqında hələlik yekun qərar verilməyib.