Ukraynada üçgünlük atəşkəs elan edildi

Ukrayna Silahlı Qüvvələri (USQ) 5 sentyabr saat 00:00-dan 8 sentyabr saat 23:59-dək davam edəcək üçgünlük (və ya 4 günlük) atəşkəs rejimini elan edib.

hadiseler.info xəbər verir ki, bu barədə Ukrayna Ali Radasının deputatı Aleksey Qonçarenko öz “Telegram” kanalı vasitəsilə məlumat verib.

Hərbi mənbələrə istinadən yayılan məlumata görə, atəşkəs rejiminin bütün cəbhə boyu – quru, hava və dəniz sahələrini əhatə edəcəyi bildirilir.

“Ukrayinskaya Pravda” nəşrinin verdiyi xəbərə əsasən, Ukrayna Silahlı Qüvvələrinə verilən bu müvafiq əmr ABŞ Prezidentinin xüsusi nümayəndəsi Stiv Uitkoff və Donald Trampın kürəkəni Cared Kuşnerin Moskva və Kiyevə nəzərdə tutulan səfərləri ilə birbaşa əlaqəlidir.