Hava xəbərdarlığı: Bəzi rayonlara dolu düşəcək, dağlıq ərazilərə qar yağacaq

Milli Hidrometeorologiya Xidməti ölkə ərazisində gözlənilən hava şəraiti ilə bağlı məlumat yayıb.

hadiseler.info xəbər verir ki, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüzdən bəzi yerlərdə fasilələrlə yağış yağacağı gözlənilir. Yağışın ayrı-ayrı yerlərdə qısamüddətli leysan xarakterli olacağı və şimşək çaxacağı ehtimal edilir. Mülayim cənub-qərb küləyi gündüz güclü şimal-qərb küləyi ilə əvəz olunacaq. Havanın temperaturu gecə 20-23°, gündüz 28-32°, axşam 26° isti olacaq. Atmosfer təzyiqi 753 mm civə sütunundan 758 mm civə sütununa yüksələcək, nisbi rütubət 60-70 % təşkil edəcək.

Azərbaycanın rayonlarında da bəzi yerlərdə fasilələrlə yağış yağacağı gözlənilir. Ayrı-ayrı yerlərdə yağıntıların leysan xarakterli intensiv olacağı, şimşək çaxacağı, dolu düşəcəyi, axşam güclənərək yüksək dağlıq ərazilərdə qara keçəcəyi ehtimal olunur. Gecə və səhər dağlıq ərazilərdə arabir duman olacaq. Havanın temperaturu gecə 18-23° isti, gündüz 30-34° isti, dağlarda gecə 12-17° isti, gündüz 18-23° isti təşkil edəcək.