ABŞ və İran arasında atəşkəs müddəti uzadılır – Vasitəçilər razılığa gəldi

ABŞ və İran İslamabad Memorandumu çərçivəsində tətbiq olunan 60 günlük atəşkəs rejiminin müddətini uzatmaq barədə anlaşmaya varıblar.

hadiseler.info xəbər verir ki, bu barədə “Anadolu” agentliyinə Pakistan hökumətindəki etibarlı mənbələr məlumat verib.

Bildirilib ki, avqustun 17-də başa çatacaq atəşkəs müddətinin uzadılması ilə bağlı hər iki tərəf vasitəçilər vasitəsilə razılıqlarını ifadə ediblər. Hazırda ABŞ və İran rəsmi tərəfləri yeni müddətin tam müəyyənləşdirilməsi istiqamətində qarşılıqlı mesaj mübadiləsini davam etdirirlər.

Qeyd edək ki, vaxtaşırı gərginləşən ABŞ-İran münasibətlərində Pakistan tərəfi vasitəçi missiyasını icra edir.